बेसीशहर, मिति २०८२/१०/१०
बेसीशहर नगरपालिका, शिक्षा, युवा तथा खेलकुद शाखाको आयोजनामा नगरभित्रका सामुदायिक विद्यालयहरूको लेखा प्रणाली, जिन्सी व्यवस्थापन, सामाजिक परीक्षण तथा दोहोरो लेखा प्रणालीलाई थप व्यवस्थित र प्रभावकारी बनाउने उद्देश्यले १ दिने क्षमता विकास कार्यक्रम सम्पन्न भएको छ।कार्यक्रममा विद्यालयको आर्थिक तथा प्रशासनिक कार्यलाई पारदर्शी, उत्तरदायी र प्रविधिमैत्री बनाउने विषयमा सहजिकरण गरिएको थियो। तालिममा बेसीशहर नगरपालिकाका प्रमुख प्रशासकीय अधिकृत श्री सुमन अधिकारी, लेखा शाखा प्रमुख श्री सृजना पौडेल र  शिक्षा शाखा प्रमुख श्री सिर्जना पाण्डे चिलुवालले प्रशिक्षण तथा सहजीकरण गर्नु भएको थियो।तालिम कार्यक्रममा नगरभित्रका सामुदायिक विद्यालयका प्रधानाध्यापक तथा विद्यालय कर्मचारी गरी जम्मा ५२ जनाको सहभागिता रहेको थियो। सहभागीहरूले तालिमले विद्यालय व्यवस्थापनमा देखिएका व्यवहारिक समस्या समाधान गर्न सहयोग पुग्ने विश्वास व्यक्त गरेका छन्।नगरपालिकाले आगामी दिनमा पनि विद्यालयको शैक्षिक गुणस्तर सुधार र सुशासन प्रवर्द्धनका लागि यस्ता क्षमता विकास कार्यक्रमलाई निरन्तरता दिने जनाएको छ।

२८औँ राष्ट्रिय भूकम्प सुरक्षा दिवस २०८२
र्यालि तथा सचेतनामूलक सडक नाटक कार्यक्रम सहित सम्पन्न ।
प्रस्तुतिका लागि विद्यार्थी भाइबहिनीहरुलाई हार्दिक धन्यवाद ।

मर्स्याङ्दी करिडोर, गण्डकी प्रदेशको Socio-Economic Tour को क्रममा त्रिभुवन विश्वविद्यालय, स्कूल अफ म्यानेजमेन्ट (SOMTU) का MBA-IT तर्फका १६ जना विद्यार्थीहरू तथा संकाय सदस्य श्री सुभाष न्यौपाने ज्यू बेसीशहर नगरपालिका कार्यालय अवलोकनका लागि उपस्थित हुनुभएको थियो। यस अवसरमा नगरपालिकाका प्रमुख प्रशासकीय अधिकृतलगायत कर्मचारीहरूसँग नगरपालिकामा ICT को प्रयोग तथा विभिन्न कार्यक्षेत्रमा यसको कार्यान्वयनबारे सार्थक छलफल तथा अन्तरक्रिया सम्पन्न भएको छ। यहाँहरूबाट प्राप्त सुझाव, प्रतिक्रिया तथा स्थानीय सरकारप्रतिको सकारात्मक जिज्ञासाका लागि विद्यार्थी साथीहरू र संकाय सदस्यलाई बेसीशहर नगरपालिका हार्दिक धन्यवाद व्यक्त गर्दछ।